शाहको ‘अँध्यारो बस्तीकी नायिका’ कथा सङ्ग्रह विमोचन
नेपालगन्ज : कथाकार दिला शाहको अँध्यारो बस्तीकी नायिका कथा सङ्ग्रहको विमोचन गरिएको छ ।
बास नेपालले शनिबार नेपालगन्जमा आयोजना गरेको कार्यक्रममा कथाकार महेशविक्रम शाह, बुबा मानबहादुर शाह, कथाकार शाहका पति दिनेश चन्द, बास नेपाल अध्यक्ष लुना बुढाथोकी, कथाकार शाहका दुई छोरा दीपेश र दिवाले संयुक्त रुपमा पुस्तकको विमोचन गरेका हुन् ।
कथा सङ्ग्रहको बारेमा कथाकार महेश विक्रम शाहले टिप्पणी गरेका थिए । शिखा वुक्सले प्रकाशन गरेको पुस्तकमा डेढ दर्जन कथा समेटिएका छन् ।
