पूर्वराजा ज्ञानेन्द्र कर्ता बनेर बागेश्वरी मन्दिरको महाआरतीमा सहभागी
नेपालगन्ज : पूर्वराजा ज्ञानेन्द्रवीरविक्रम शाह परिवारका सदस्यसहित बागेश्वरी मन्दिरको महाआरतीमा कर्ता बनेर सहभागी भएका छन् ।
आफ्नो ५४औं वैवाहिक महोत्सवको अवसरमा सोमबार साँझको बागेश्वरीको महाआरतीमा पत्नी पूर्वरानी कोमलराज्य लक्ष्मीदेवी शाह, बुहारी हिमानी शाह र परिवारका अरु सदस्यसहित पूर्वराजा ज्ञानेन्द्र सहभागी भएका हुन् ।
नेपालगन्जमा सिमसिमे पानी परिरहेको बेला राजपरिवारका पूर्व सदस्यहरुले छाता ओढेर महाआरतीमा बसेका थिए । बागेश्वरीमा हरेक सोमबार महाआरती हुँदै आएको छ ।
