एक लायन्स, एक बिरुवा अभियान : बाँकेका दर्जन बढी क्लबले गरे वृक्षारोपण (फोटो फिचर)
नानापुर (बाँके) : एक लायन्स, एक बिरुवा अभियान अन्तर्गत बाँकेका दर्जन बढी लायन्स क्लबले सोमबार सयौं बिरुवा रोपेका छन् ।
लायन्स क्लब इन्टरनेशनल डिस्ट्रिक ३२५ एनमा आबद्ध लायन्स क्लबहरुले संयुक्त रुपमा र छुट्टाछुट्टै रुपमा वृक्षारोपण गरेका हुन् । डिस्ट्रिक गभर्नर मुकुट ढकाल, फस्ट लेडी मीना ढकाल सुवेदी, सेकेन्ड भिडीजीडी ज्ञानेन्द्र श्रेष्ठ, पूर्वडिस्ट्रिक गभर्नर शेम शाक्य, डिस्ट्रिक सचिव उमा थापा मगर, डस्ट्रिक एड्भाइजर, जोन चेयर पर्सन, क्लब पदाधिकारी, सदस्य पनि वृक्षारोपण कार्यक्रममा सहभागी भएका थिए ।
लायन्स क्लव अफ नेपालगन्ज इनोभेटिभ र लियो क्लब अफ नेपालगन्ज इनोभेटिभ, सिद्धि विनायक, न्यूरोड, युनिटी र वाटरपार्क क्लबले सिद्धी विनायक लायन्स पार्क डुडुवा ५ नानापुरमा संयुक्त रुपमा वृक्षरोपण कार्यक्रम आयोजना गरेका हुन् । गभर्नर ढकालको प्रमुख आतिथ्यमा आँप, लिची, सितल चिनी, गुलमोहर, बेल, जामुन, निम, रुद्राक्षका बिरुवा रोपिएको थियो । बिहान पनि नेपालगन्जका केही लायन्स क्बलले नगरका विभिन्न स्थानमा वृक्षारोपण गरेका थिए ।
