पाटेबाघको प्रचारमा लायन्स इन्टरनेशनल
नेपालगन्ज : लायन्स इन्टरनेशनल डिष्ट्रिक ३२५ एन पाटेबाघको प्रचारमा जुटेको छ ।
डिष्ट्रिक ३२५ एनको शनिबार नेपालगन्जमा सम्पन्न दोस्रो वार्षिक अधिवेशनको लोगोमा पाटेबाघलाई समेटिएको हो ।
लोगोमा नेपालगन्ज-२ मा रहेको शक्तिपीठ बागेश्वरी मन्दिर, हिमालय पर्वत, महादेवको त्रिशुल र बसिरहेको अर्घ कदको पाटेबाघको प्रतिमा राखिएको छ । बाँके बर्दिया निकुञ्ज क्षेत्रमा पाटेबाघ छ । पाटे बाघको प्रचारपसार गर्न हामीले लोगोमा बाघ राखेका हौं लायन्स इन्टरनेशनल डिष्ट्रिक ३२५ एन गर्भनर मुकुट ढकाललले भने । यस अघि युवा संघ नेपालको अधिवेधनमा पनि पाटेबाघ राखेर प्रचार गर्रिएको थियो ।
