भानु जयन्तीमा मानव धर्म सेवा समितिद्वारा कविता प्रतियोगिता आयोजना
नेपालगन्ज : नेपाल मानव धर्म सेवा समिति नेपालगन्ज आश्रमले बाँके जिल्ला स्तरीय कविता प्रतियोगिता आयोजना गरेको छ ।
२११औं भानु जयन्तीको अवसरमा शनिबार नेपालगन्जको कारकाँदोस्थित आश्रममा संस्थागत विद्यालयका विद्यार्थीबीच कविता प्रतियोगिता आयोजना गरिएको हो ।
प्रतियोगितामा एबीसी रेसिडेन्टल स्कुलका एञ्जेल रावल प्रथम, नेपालगन्ज मोडेल एकेडेमीका आयुषसिंह ठकुरी दोस्रो, सगरमाथा इग्लिस बोर्डिङ स्कुलका स्रिमन विक तेस्रो र सगरमाथा इग्लिस बोर्डिङ स्कुलका नीशा विकले सान्तवना पुरस्कार जितेका थिए ।
विजेताहरुलाई नेपाल मानव धर्म सेवा आश्रमका प्रभारी चाँदना वाइजी, नेपाल मानव धर्म सेवा समिति नेपालगन्जका अध्यक्ष विन्दा पाण्डेलगायतले पुरस्कार र प्रमाण पत्र वितरण गरेका थिए ।
कविता प्रतियोगिताको लेकप्रसाद प्याकुरेल, गीता सुवेदी र कपिल अन्जान निर्णायक रहेका थिए । कार्यक्रममा कवि तथा कवयित्रीहरुले कविता वाचन गरेका थिए ।
