कर्णाली नदीमा नुहाउने क्रममा युवा बेपत्ता
मानबहादुर ठकुल्ला । टीकापुर
कैलाली सत्तीका एक युवा कर्णाली नदीमा बगेर भएका छन् ।
कर्णाली नदीमा नुहाउने क्रममा डुबेका टीकापुर नगरपालिका ७ सत्तीका २२ वर्षीय विशाल चौधरी तीन दिनदेखि बेपत्ता भएका हुन्
भारतबाट तिहार मनाउन ६ दिन अघि घर आएका चौधरी सत्ती कर्णाली सामुदायिक वनसँगै रहेको कर्णाली नदीमा गत शनिबार २ बजेतिर चार जना साथीसँगै नुहाउन गएका बेला बेपत्ता भएका हुन् । उनका अन्य ३ जना साथीहरु भने सकुशल घर फर्केका थिए ।
उनी बेपत्ता भएको खबर र्र्पाए लगत्तै प्रहरी चौकी सत्तीका इन्चार्ज प्रहरी बरिस्ठ नायव निरीक्षक टेकबहादुर चन्दको टोली, कालाकुन्डा प्रहरी चौकी, सशस्त्र प्रहरी बल खक्रौलाका डीएसपी ,पूर्णचन्दको टोली, वीओपि कुसुमघाटका इन्चार्ज प्रिन्स चन्दको विपद व्यवस्थापन टोलीले खोजतलास सुरु गरेको थियो । चौधरी अविवाहित हुन् । उनको ११ जनाको परिवार छ ।
