बागेश्वरी मन्दिरको महाआरती १००औं श्रृङ्खला भव्य (फोटो फिचर)
नेपालगन्ज : शक्तिपीठ बागेश्वरी मन्दिरमा सञ्चालित साप्ताहिक महाआरतीको सोमबार १००औं श्रृङखला भव्य रुपमा सम्पन्न भएको छ । महाआरतीमा अरु दिनभन्दा धेरै भक्तजनको सहभागिता रहेको थियो ।
नाट्टा बाँके च्याप्टरले वेष्टर्न ट्राभल मार्टको अवसरमा बागेश्वरी मन्दिर गुठी व्यवस्थापन समिति र नेपालगन्ज उपमहानगरपालिकाको सहकार्यमा २४ माघ २०७९ मा पहिलो पटक महाआरतीको शुभारम्भ भएको थियो ।
त्यसपछि भने बागेश्वरी गुठीले निरन्तर महाआरती गर्दै आएको छ । महाआरतीमा नेपालगन्ज उपमहानगरपालिकाले हरेक वर्ष सहयोग गर्दै आएको छ । बागेश्वरी मन्दिरबाट सुरु भएको महाआरती बाँके र बर्दियाका आधा दर्जन बढी धार्मिक स्थलमा पनि विस्तार भइसकेको छ ।
