७ ग्राम ब्राउन सुगरसहित टीकापुरबाट एक युवा पक्राउ
मानबहादुर ठकुल्ला । टीकापुर
कैलालीको टीकापुर प्रहरीले लागूऔषध ब्राउन सुगरसहित एक जना युवालाई पक्राउ गरेको छ ।
इलाका प्रहरी कार्यालय टीकापुरबाट खटेको प्रहरी टोलीले टीकापुर ९ बालुवाटारस्थित सडक खण्डबाट जानकी गाउँपालिका ९ पूर्व खैरीफाँटा बस्ने वर्ष २० को निरज जैसीलाई ब्राउन सुगरसहित नियन्त्रणमा लिएको हो । जैसीले चलाएको से ६ प ९०६३ नम्बरको मोटर साइकललाई शंका लागि निजको शरीर तथा मोटरसाईकल चेकजाँच गर्दा निजले चलाएको मोटरसाईकलको पछाडिको दुबै साइडको इन्डिकेटरभित्र लुकाइछिपाइ राखेको ७ ग्राम २६० मिलिग्राम ब्राउन सुगर फेला परेको हो । जैसीलाई इप्रका टीकापुरको हिरासतमा राखेर थप अनुसन्धान भइरहेको प्र्रहरीले जनाएको छ ।
