टीकापुरमा वडा स्तरीय फुटबल प्रतियोगिता सुरु
मानबहादुर ठकुल्ला । टीकापुर
कैलालीको टीकापुरमा वडा स्तरीय फुटबल प्रतियोगिता सुरु भएको छ ।
संविधान सभा सदस्य माननीय हरि ज्ञवाली अखण्डले टीकापुर नगरपालिका ८ स्थित त्रिभुवन माध्यमिक विद्यालय बटनपुरको खेल मैदानमा बुधबार वडा स्तरिय फुटबल प्रतियोगिता २०८१ को उद्घाटन गरेका हुन् ।
वडा स्तरीय खेलकुद समितिका अध्यक्ष खगेन्द्रप्रसाद उपाध्यायको अध्यक्षता सम्पन्न उद्घाटन समारोहमा टीकापुर ७ का वडाध्यक्ष यज्ञप्रसाद न्यौपाने, ८ का वडाध्यक्ष दीर्घबहादुर ठकुल्ला, वडा नं. ९ का वडाध्यक्ष लौटन चौधरी र वडा नं. ६ का वडाध्यक्ष बलीराम चौधरीले सफलताको कामना गरेका थिए ।
वडा स्तरीय खेलकुद समिति वडा न ८ को आयोजना र टीकापुर नगरपालिकाका वडा नं. ६, ७, ८ र ९ को आर्थिक सहयोगमा सञ्चालित फुटबल प्रतियोगितामा टीकापुर नगरका १५ वटा टिमको सहभागिता रहेको छ । सोमबारको उद्घघाटन खेलमा टीकापुर ९ ए ले टीकापुर ८ एलाई ० का बिरुद्ध ३ गोल गरेर विजयी भएको थियो ।
प्रतियोगिताको विजेता टिमले ५१ हजार नगद र उप विजेताले ३१ हजार नगद, प्रमाण पत्र ,मेडल र शिल्ड पाउनेछन् । उत्कृष्ट खेलाडी, उदयमान खेलाडी, उत्कृष्ट गोल रक्षक, उत्कृष्ट डिफेन्डरलाई पनि जनही नगद १५०० प्रदान गरिने आयोजक समितिका संयोजक खगेन्द्रप्रसाद उपाध्यायले जानकारी दिए ।
