नेपालगन्ज नर्सिङ र ज्ञानोदयको अध्यक्षमा अखिलका अधिकारी र महतो अध्यक्ष निर्वाचित
नेपालगन्ज : बाँकेका दुई क्याम्पसको स्वतन्त्र विद्यार्थी युनियनको अध्यक्षमा नेकपा (एमाले) निकट अनेरास्ववियुले अध्यक्ष जितेको छ ।
नेपालगन्ज नर्सिङ क्याम्पसको स्वतन्त्र विद्यार्थी युनियनको निर्वाचनमा अनेरास्ववियुकी देवार्चना अधिकारी अध्यक्षसहित प्यानलै निर्वाचित भएको छ ।
मंगलबार सम्पन्न निर्वाचनमा सचिवमा ईशा पौडेल र कोषाध्यक्षमा अस्मिता सिंह निर्वाचित भए । त्यसैगरी सदस्यहरुमा स्मृति घिमिरे, सूचना धिताल, निलम सुनार, एन्जल शाही, यशोदा खड्का निर्वाचित भएका छन् । समानुपातिक सदस्यहरुमा रितेश गुरुङ, एलिना शाही, आस्मा भण्डारी, मोनिका थापा, वबिता चौधरी, सितल गुरुङ र ऐश्वर्य लामिछाने निर्वाचित भएका छन् ।
बाँकेको खजुरास्थित ज्ञानोदय बहुमुखी पब्लिक क्याम्पसको स्वतन्त्र विद्यार्थी युनियनको अध्यक्षमा अनेरास्ववियुका सर्बिन महतो विजयी भएका छन् । अनेरास्ववियु र नेविसंघको संयुक्त प्यानलका उम्मेदवार महतोले ११२ मत प्राप्त गरेर विजयी भएका हुन् ।
यसैगरी सचिवमा सविनकुमार खत्री, कोषाध्यक्षमा ममता कार्की र सदस्यमा कसिस लामा, निरुता रावत, आस्थाकुमारी थारु विजयी भएका छन् । महेन्द्र बहुमुखी क्याम्पस नेपालगन्जमा भने मत गणना जारी छ ।
