महेन्द्र बहुमुखीमा अनेरास्ववियुले जोगायो जितको विरासत, प्यानल नै विजयी (मत परिणामसहित)
नेपालगन्ज : महेन्द्र बहुमुखी क्याम्पस नेपालगन्जको स्वतन्त्र विद्यार्थी युनियनको निर्वाचनमा एमाले भातृृ संगठन अनेरास्ववियुले जितको बिरासत जोगाएको छ । अघिल्लो निर्वाचनमा अनेरास्ववियुका माधव खत्रीले अध्यक्षसहित संयुक्त प्यानललाई जिताएका थिए । यो निर्वाचनमा एक्लै प्रतिष्पर्धामा उत्रिएर पनि अनेरास्ववियुका केशरजंग शाह प्यानलसहित निर्वाचित भएका छन् ।
विजयी हुनेहरुमा अध्यक्षमा शाहसँगै सचिवमा चिरञ्जीवी बुढा र कोषाध्यक्षमा सुरेन्द्र रावल रहेका छन् । त्यसैगरी सदस्यहरुमा अमिश विक, बन्दना थारु, अंकितकुमार यादव, टक्क रोकाया, निरज यादव, राजीव साह, शिशिर सुवेदी र गोपाल आउजी रहेका छन् ।
