प्रथम शिखा जिल्ला स्तरीय पौडी प्रतियोगिता २३ चैत्रमा, २२ गतेसम्म खेलाडीको नाम दर्ता गर्न सकिने
नेपालगन्ज : बाँकेमा पहिलो पटक जिल्ला स्तरीय पौडी प्रतियोगिता हुन लागेको छ । यस अघि राष्ट्रिय खेलकुद प्रतियोगिता लक्षित पौडी छनोट भए पनि जिल्ला स्तरमै अन्तर विद्यालय स्तरमा आयोजना गरिएको सम्भवतः यो नै पहिलो प्रतियोगिता हो । शिखा एकेडेमी कोहलपुरले नेपालगन्ज पौडी क्लबको समन्वयमा आगामी २३ चैत्रमा अन्तर विद्यालय प्रथम शिखा जिल्ला स्तरीय पौडी प्रतियोगिता आयोजना गर्न लागेको हो
जिल्ला स्तरीय पौडी खेलकुदको प्रबद्र्धन र नयाँ प्रतिभाहरुलाई अवसर प्रदान गर्ने लक्ष्य साथ कोहलपुर नगरपालिका–८ पिपरी ९नयाँ बस्ती०स्थित शिखा विद्यालयको स्विमिङ पुलमा प्रतियोगिता आयोजना गर्न लागिएको हो । ५ बिघा क्षेत्रफलमा रहेको विद्यालयमा तीन वर्षदेखि २५ मिटर लम्बाइ र १२।५ मिटर चौडाइको पौडी पोखरी सञ्चालनमा छ ।
विद्यालयले बुधबार नेपालगन्जमा आयोजना गरेको पत्रकार सम्मेलमा विद्यालयका अतिरिक्त क्रियाकलाप प्रमुख सूर्यमणि अधिकारीले प्रतियोगितामा १५ विद्यालयका ४८ पुरुष र १७ महिला गरी ६५ जना विद्यार्थीले नाम दर्ता गराएको जानकारी दिए । उनले २२ चैत्रको साँझसम्म नै नाम दर्ता गर्न सकिने बताए । ८ वर्षदेखि १७ वर्ष मुनीका ५ समूहको २६ वटा पौडीका इभेन्ट सञ्चालन हुने विद्यालयका पौडी प्रशिक्षक चन्द्रराम चौधरीले जानकारी दिए ।
कार्यक्रममा विद्यालय व्यवस्थापन समितिका अध्यक्ष गोेपालप्रसाद अधिकारी, विद्यालयका प्रमुख कार्यकारी अधिकृत डा।राजकुमार सुवेदी र प्रिन्सिपल इन्जिनियर राजीव सुवेदीले पौडी प्रतियोगिता र विद्यालयले सञ्चालन गर्ने अतिरिक्त क्रियाकलाप मध्ये पौडी, क्रिकेट, फुटबल, बास्केटबल, संगीत, नृत्य र सार्वजनिक बोेल्ने कलाका माध्यमबाट विद्यार्थीको शैक्षिक, शारिरीक र मानसिक विकास सुनिश्चित गरिरहेको बताएका थिए ।
०००
शिखा एकेडेमी कोहलपुरले अन्तर विद्यालय प्रथम शिखा जिल्ला स्तरीय पौडी प्रतियोगिता बारे नेपालगन्जमा आयोजित पत्रकार सम्मेलन ।
