विश्व खुसी रिपोर्ट २०२५ : दक्षिण एशियामा नेपाल सबैभन्दा खुसी देश
नेपालगन्ज : विश्व खुसी रिपोर्ट २०२५ मा नेपाल दक्षिण एशियामै सबभन्दा खुसी देश बनेको छ ।
संयुक्त राष्ट्रसंघको सहयोगमा अमेरिकी संस्था ग्यालपले गरेको सर्वेक्षणको सार्वजनिक रिपोर्टमा फिनल्यान्ड सरदर ७.७४ अंकसहित पहिलो स्थानमा रह्यो भने डेनमार्क ७.५२ अंकसहित दोस्रो, आइसल्यान्ड ७.५१ अंकसहित तेस्रो, स्वीडेन ७.३४ अंकसहित चौथो र नेदरल्यान्ड्स ७.३१ अंकसहित पाँचौं स्थानमा छ।
गत २० मार्चमा सार्वजनिक गरिएको रिपोर्टअनुसार नेपाल दक्षिण एसियामै सबैभन्दा खुसी देश ठहरिएको छ। विश्वका कुल १४७ देशमा गरिएको सर्वेक्षणमा नेपालीहरूले औसतमा आफ्नो जीवनलाई ५.३१ अंक दिएका छन्। नेपाल सूचीको ९२औं स्थानमा छ। त्यसपछि पाकिस्तान ४.७७ अंकसहित १०९औं स्थानमा छ भने भारत ४.३९ अंकसहित ११८औं, श्रीलंका ३.८९ अंकसहित १३३औं, बंगलादेश ३.८५ अंकसहित १३४औं र अफगानिस्तान १.३६ अंकसहित १४७ औं स्थानमा छ। अफगानिस्तान रिपोर्टकै सबभन्दा पुछारमा छ भने आफै ुग्रस नेसनल ह्याप्पिनेस इन्डेक्सु निकाल्ने भुटानलाई भने ग्यालपको यो सर्वेक्षणमा समावेश नै गरिएको थिएन। दक्षिण एसियाकै माल्दिभ्स पनि सर्वेक्षणमा सामेल थिएन।
