९ जुवाडे डेढ लाख नगदसहित पक्राउ
नेपालगन्ज : बाँके प्रहरीले डेढ लाख नगदसहित ९ जना जुवाडेलाई पक्राउ गरेको छ ।
जिल्ला प्रहरी कार्यालय बाँकेका अनुसार नेपालगन्ज उपमहानगरपालिका–२ बौद्ध टोलस्थित एक घरबाट सोमबार बिहान ३ बजे ९ जना व्यक्तिलाई एक लाख ५० हजार एक सय ६५ रुपैयाँ नगद र ६ गड्डी ताससहित नियन्त्रणमा लिइएको एसपी ओमबहादुर रानाले जानकारी दिए । यो वर्ष मात्र बाँके प्रहरीले जुवाको खालबाट ३५ जना व्यक्तिबाट ३४ लाख ८० हजार ६ सय १५ रुपैयाँसहित पक्राउ गरी कारबाही गरेको जनाएको छ ।
