केसीद्वारा जन्मदिनमा २ हजार मास्क वितरण
शक्ति परियार । राजापुर
बर्दियाको राजापुरका सामाजिक अभियन्ता सूर्य केसीले आफ्नो जन्मदिनमा २ हजार थान मास्क वितरण गरेका छन् ।
राजापुर नगरपालिका वडा नं ४ को शान्तिपुरका २ सयभन्दा बढी घरधुरीलाई १ हजार थान साबुन र २ हजार थान सर्जिकल मास्क वितरण गरे। बढ्दै गएको कोरोना संक्रमणको जोखिम पूर्ण समयमा स्थानीयलाई सचेतना फैलाउने उद्देश्यले प्रत्येक घरघरमा पुगी मास्क प्रदान गरिएको केसीले बताए ।
केसीसँगै गाउँका अन्य युवा अभियन्तासमेत यो अभियानमा अग्रसर भएका छन् । अभियानमा शान्तिपुरका युवाहरु एकजुट भइ कोरोना संक्रमण रोकथाम सम्बन्धी माइकिङ गर्दै पम्पलेटसमेत वितरण गरेका थिए । त्यस्तै स्थानीय दीपेन्द्र खड्का र चेत नारायण चालिसेले कोरोना सचेतना सम्बन्धी १० वटा ब्यानर गाउँका विभिन्न स्थानमा लगाएका छन् ।
