स्प्रिङ डेलद्वारा हुम्लाको स्कुललाई डेक्सबेञ्च सहयोग
नेपालगन्ज : स्प्रिङडेल एकेडेमी नेपालगन्जले हुम्लाको जनप्रकाश माध्यमिक विद्यालयलाई डेक्स बेञ्च सहयोग गरेको छ ।
हुम्लाको ताँजाकोट गाउँपालिका–१ काँडागाउँमा रहेको जनप्रकाशलाई स्प्रिङडेलले करिब साढे तीन लाख रुपैयाँ भन्दा बढीका ६० थान डेक्स बेञ्च सहयोग गरेको हो ।
स्प्रिङ डेल विद्यालय व्यवस्थापन समितिका अध्यक्ष विनोद न्यौपानेले मंगलबार नेपालगन्जको कारकाँदोस्थित विद्यालय परिसरमा जनप्रकाश माविका प्रधानाध्यापक दलपति खड्कालाई डेक्सबेञ्च हस्तान्तरण गरेका हुन् ।
गत वर्षको भदौमा बाढी पहिरोबाट विद्यालय भवन र फर्निचर बगेको खबर मिडियाबाट थाहा पाएपछि सहयोग गर्न नेपालगन्ज डाकेको विद्यालयका प्राचार्य शरद चन्द्र रावलले बताए । नेपालगन्जको विद्यालयबाट डेस्क बेञ्च सहयोग पाएपछि पठनपाठनमा सहज हुने विद्यालयका प्रअ खड्काले बताए ।
