शोकमा नेपालगन्ज, दाह संस्कारमा हजारौं
नेपालगन्ज : भारतको श्रावस्ती जिल्लाको इकौना नजिक सडकमा कार दुर्घटनामा ६ जनाको मृत्यु भएपछि नेपालगन्ज शोकमा डुबेको छ ।
शनिबार साँझ दुर्घटना भए पनि आइतबार दिउँसो शव नेपालगन्ज ल्याइएको थियो ।
![](https://merokhusi.com/wp-content/uploads/2023/08/Dahasanskar-1.jpg)
शनिबार रातिदेखि नेपालगन्जका सदरलाइन र त्रिभुवन चोकमा शोक सन्तप्त परिवारलाई समवेदना प्रकट गर्न ठूलो संख्यामा उपस्थिति भएको थियो । आइतबार साँझ नेपालगन्जको एमपी स्कुल नजिकैको श्यामसान घाटमा दाह संस्कारमा हजारौं नगरवासीको उपस्थिति भएको थियो ।
![](https://merokhusi.com/wp-content/uploads/2023/08/Dahasanskar-2.jpg)
दुर्घटनामा परी नेपालगन्जको सदरलाइन निवासी ३५ वर्षीय वैभव गुप्ता, उनकी पत्नी ३२ वर्षीया दिपीका गुप्ता, त्रिभुवन चोकस्थित एसकुमार वाच कम्पनीका सञ्चालक सन्तोष गुप्ताका २२ वर्षीय छोरा निलान्स गुप्ता र २० वर्षीया छोरी सुनिती गुप्ताको दाहसंस्कार गरिएकोे थियो भने मृतक वैभवका तीन वर्षीय छोरा डल्लु गुप्ता र छ महिनाकी छोरी श्रीया गुप्ताको शव भने श्यामसान घाट क्षेत्रमै गाडिएको थियो ।