हजरत बाबा कम्मर शाह मेला ४ पुसमा लाग्दै
रमेशकुमार यादव । कम्दी
बाँकेको कम्दीमा हजरत बाबा कम्मर शाह दरगाह सरिफ मेला आगामी ४ पुसदेखि सुरु हुने भएको छ ।
डुडुवा गाउँपालिका ५ मा रहेको हजरत बाबा कम्मर शाह दरगाह मेलाको ४ पुसमा पूर्व मन्त्री इस्तियाक राईले उद्घटन गर्नेछन् । मेला पाँच दिन अर्थात ८ पुससम्म सञ्चालन हुनेछ। मेला आयोजना गर्न स्थानीय भेलाले शनिबार डुडुवा ५ का वडाध्यक्ष झंकबहादुर थापा अध्यक्ष रहको १९ सदस्यीय समिति र विभिन्न उप समितिहरू गठन गरेको छ।
हिन्दु र मुस्लिम संयुक्त धार्मिक सदभावका प्रतिकका रुपमा रहेको कम्मर शाह बाबा मेला प्रख्यात छ । मेलामा विगतका वर्षहरु जस्तै नेपाली लोक संस्कृति कार्यक्रम आगामी ८ पुसमा गरिने मेला समितिका सचिव साइद खानले जानकारी दिए ।
