टीकापुर वडा स्तरीय फुटबल क्वाटर फाइनलका खेल सम्पन्न
मानबहादुर ठकुल्ला । टीकापुर
कैलालीको टीकापुरमा जारी वडा स्तरीय फुटबल प्रतियोगिता २०८१ का क्वाटरफाइनलका खेल सम्पन्न भएका छन्।
टीकापुर ८ स्थित त्रिभुवन माध्यमिक विद्यालय बटनपुरको खेल मैदानमा भएको पहिलो खेलमा टीकापुर ८ बीले टीकापुर ६ लाई ६ शून्य अन्तरले पराजित गरेको हो । टीकापुर ८ बी ले सेमिफाइनलको यात्रा तय गरेको छ ।
त्यसै गरी टीकापुर ७ ए र टीकापुर ८ सी बीच क्वाटरफाइनल खेल भएको थियो । जसमा टीकापुर ८ सी लाई टीकापुर वडा न ७ ए ले ३ शून्य गोल अन्तर पराजित गरेको थियो । टीकापुर ७ ए ले पनि आफ्नो सेमिफाइनलको यात्रा तय गरेको छ । शनिबार सेमिफाइनल खेल टीकापुर ७ ए र टीकापुर ५ बीच पहिलो खेल हुनेछ भने दोश्रो सेमिफाइनल खेल टीकापुर वडा न ८ बी र टीकापुर वडा न ९ ए बीच हुनेछ । वडा स्तरीय खेलकुद समिति वडा न ८ को आयोजना र टीकापुर नगरपालिका लगायत वडा नं ६, ७, ८, ९ को आर्थिक सहयोगमा फुटबल प्रतियोगिता सञ्चालन भइरहेको छ । स्तरमा खेलकुदका लागि वडा स्तरबाट र नगरपालिका स्तरबाट बजेट विनियोजन गरिँदै आएको बताउँदै स्थानीय स्तरमा हुने हरेक खेलकुदलाई मर्यादित र अनुसाशित बनाउनु पर्ने जसका लागि निष्पक्ष रुपमा खेलाउनु पर्ने बताएका छन् ।
टीकापुर नगरपालिका अन्तरगतका १५ वटा टिमको सहभागिता रहेको प्रतियोगितामा । १३ गतेसम्म सञ्चालन हुने फुटबल प्रतियोगितामा प्रथम हुने टिमले ५१ हजार र दोश्रो हुने टिमले ३१ हजार नगद प्रमाण पत्र ,मेडल र शिल्ड प्राप्त गर्ने छ।
