त्रिभुवन माविकी छात्रा कटुवाललाई शान्ता राणा शैक्षिक पुरस्कार 

नेपालगन्ज : बाँकेको त्रिभुवन नमुना मावि कोहलपुरकी छात्रा संगीता कटुवाललाई शान्ता राणा शैक्षिक पुरस्कार प्रदान गरिएको हो ।
महेन्द्र पुस्तकालय नेपालगन्जले डा. कृष्णजङ्ग राणाद्वारा स्थापित २१ हजार राशीको पुरस्कार बाँकेमा कक्षा १२ मा उत्कृष्ट नतिजा ल्याएको भन्दै कटुवाललाई प्रदान गरिएको हो ।
जिल्लाका सामुुदायिक विद्यालयहरुका कक्षा १२ का छात्राहरुमध्ये कटुवालले सबैभन्दा उत्कृष्ट अंक ३.५८ जीपीए प्राप्त गरेकाले पुरस्कार प्रदान गरिएको हो ।
पुस्तकालयका अध्यक्ष बलराम यादवको अध्यक्षता तथा नेपालगन्ज उप–महानगरपालिकाका कार्यवाहक प्रमुख कमरुद्दीन राईको प्रमुख आतिथ्यतामा सम्पन्न कार्यक्रममा उक्त पुरस्कार प्रदान गरिएको हो । बाँकेका प्रमुख जिल्ला अधिकारी धर्मराज जोशीसमेतको सहभागिता रहेको पुरस्कार वितरण कार्यक्रममा पूर्व प्रधानाध्यापक विष्णुमान श्रेष्ठ, प्राज्ञ शशीराम कार्की, लेखक नरेन्द्रजंग पीटर लगायतको सहभागिता थियो ।