नेपालमा थप २४ जनामा कोरोना संक्रमण, संख्या २४३ पुग्यो
नेपालगन्ज : नेपालमा थप २४ जनामा कोरोना संक्रमण पुष्टि भएको छ । स्वास्थ्य तथा जनस्वास्थ्य मन्त्रालयको पछिल्लो तथ्याङ्क अनुसार रुपन्देहीमा १२, कपिलवस्तुमा ८, पर्सामा ३ र नवलपरासीका एक गरी थप २४ जनामा कोरोना संक्रमण पुष्टि भएको हो । यो सँगै जम्मा संक्रमितको संख्या २ सय ४३ पुगेको छ ।
पछिल्लो पटक संक्रमण देखिएकाहरुमा रुपन्देहीका २२,२२,२५,२८,३०,३२,३२,३३ र ४१ वर्षका पुरुषहरु र ४,१०,२८ वर्षका महिला रहेका छन् । त्यसैगरी कपिलवस्तुका २२,२९,३२,४०,४०,४०,४२,४२ वर्षीय पुरुष, पर्सा निवासी ३६ र ७४ वर्षीय पुरुष र ३६ वर्षीय महिला र नवलपरासीका ३६ वर्षीय पुरुष रहेका छन ।
उनीहरुको स्वास्थ्य अवस्था सामान्य र स्वास्थ्यकर्मीको सम्प्पर्कमा रहेको मन्त्रालयले जनाएको छ ।
