न्यौपानेको संयोजकत्वमा बाँकेमा अनलाइन पत्रकार संघ गठन
नेपालगन्ज : पत्रकार कमल न्यौपानेको संयोजकत्वमा बाँकेमा अनलाइन पत्रकार संघ गठन भएको छ ।
अनलाइन मिडियाका सम्पादक/सञ्चालक र प्रतिनिधिको सोमबार नेपालगन्जमा सम्पन्न भेलाले नेपालगन्जको इ–सेतोखरी डटकममा आबद्ध न्यौपानेको संयोजकत्वमा ९ सदस्यीय तदर्थ समिति गठन गरिएको हो । संघको सह–संयोजकमा जावेद अन्सारी, रामु ओली सचिव, संगीता पाठक (सन्ध्या शर्मा) सहसचिव र असलम खाँलाई कोषाध्यक्षमा सर्वसम्मत् चयन गरिएको हो । त्यसैगरी संघको कार्य समिति सदस्यमा सुनिता पन्त, प्रेरणा गिरी, भीष्म लोध, दीक्षा विसीलाई चयन गरिएको छ । संयोजक न्यौपानेले चाँडै नै जिल्ला प्रशासन कार्यालय बाँकेमा संस्था दर्ता गरिने बताए ।
