कोहलपुरमा ८० ग्राम ब्राउन सुगरसहित एक पक्राउ
नेपालगन्ज : इलाका प्रहरी कार्यालय कोहलपुरले ८० ग्राम लागूऔषध ब्राउन सुगरसहित एक जनालाई पक्राउ गरेको छ ।
इप्रका कोहलपुरका इन्चार्ज डीएसपी ऐनबहादुर मल्लका अनुसार कोहलपुर नगरपालिका–१२ रोहिणी खोलास्थित सडक खण्डमा ३० वर्षका मुन्ना भन्ने जगत केसीबाट ८० ग्राम ब्राउन सुगर र तौल गर्ने डिजिटल तराजुसहित पक्राउ परेका हुन् । प्रहरीले मुन्ना लामो समयदेखि लागूऔषध कारोबारी भएको जनाएको छ ।
