खजुराका १०० युवालाई बिना धितो सहुलियत कर्जा

खजुरा गाउँपालिका अध्यक्ष किस्मतकुमार कक्षपति र राष्ट्रिय बाणिज्य बैंकका लुम्बिनी प्रदेश प्रमुख आनन्द सुवेदीबीच सहुलियतपूर्ण कर्जाका लागि ब्याज अनुदानमा सम्झौता
खजुरा गाउँपालिका अध्यक्ष किस्मतकुमार कक्षपति र राष्ट्रिय बाणिज्य बैंकका लुम्बिनी प्रदेश प्रमुख आनन्द सुवेदीले सहुलियतपूर्ण कर्जाका लागि ब्याज अनुदान सम्झौता–पत्रमा हस्ताक्षर गर्दै । फोटो सौजन्य : दुर्गा रोकाय

  नेपालगन्ज : खजुरा गाउँपालिकाले युवालाई स्वरोजगार बनाउन बिना धितो बैंकबाट ऋण पाउने व्यवस्था गरेको छ ।
गाउँपालिका अध्यक्ष किस्मतकुमार कक्षपति र राष्ट्रिय बाणिज्य बैंकका लुम्बिनी प्रदेश प्रमुख आनन्द सुवेदीले सहुलियतपूर्ण कर्जाका लागि ब्याज अनुदानमा सम्झौता पत्रमा मंगलबार हस्ताक्षर गरेका हुन ।
गाउँपालिकाले चालु आर्थिक वर्षको नीति तथा कार्यक्रममा बिना धितो सहुलियत कर्जा प्रदान गर्ने नीति अवलम्बन गरेको थियो । कृषि तथा पशुपालन, सीपमूलक र उत्पादनलगायतका क्षेत्रमा लगानीका लागि करिब एक सय युवाहरूलाई गाउँपालिकाको सिफारिसमा प्रदान गरिनेछ । हस्ताक्षर कार्यक्रममा अध्यक्ष कक्षपतिले भने, ‘स्थानीय सरकार जमानी बसेर प्रवाह गरिने सहुलियत कर्जाको लागि भोलिदेखि नै कार्यान्वयनमा जानेछ ।’

बाणिज्य बैंकका लुम्बिनी प्रदेश प्रमुख आनन्द सुवेदीले बैंकले विभिन्न ७ शीर्षकमा प्रवाह गरिने सहुलियत कर्जा महिला उद्यमीका लागि एक दशमलव ६ प्रतिशत र अन्य कर्जामा २ दशमलव ६ प्रतिशत व्याज रहेको बताए । एक जना उद्यमीले कम्तीमा ७ लाख रुपैयाँदेखि बढीमा १५ लाख रुपैयाँसम्म बिना धितो ऋण पाउँछन् ।

1 thought on “खजुराका १०० युवालाई बिना धितो सहुलियत कर्जा

  1. Malai kehi pasu plan gharna Lai run chayako xa ma hal malasiya Bata return hudai xu nepal ma kehi gharna chayako chu aaba

Leave a Reply

Your email address will not be published. Required fields are marked *