नेपालगन्जका विद्यालयमा आगामी जेठ २१-२३ मा गर्मी विदा
नेपालगन्ज : नेपालगन्ज उपमहानगरपालिकाले तीन दिन विद्यालयमा गर्मी विदा दिएको छ ।
उपमहानगरपालिकाको शिक्षा, युवा तथा खेलकुद महाशाखाका शाखा अधिकृत लोकेन्द्रबहादुर शाहीले विहीबार सूचना प्रकाशित गरेर वर्षे विदाबाट कट्टा हुने गरी तीन दिनसम्म गर्मी विदा दिने दिने निर्णय गरेको बताएका छन् । आगामी आइतबारदेखि मंगलबार (जेठ २१-२३) सम्म नेपालगन्जका सामुदायिक, संस्थागत, मदरसासमेतमा गर्मी विदा हुनेछ । जल तथा मौसम विज्ञान विभाग मौसम पूर्वानुमान महाशाखाका अनुसार बिहीबार नेपालगन्जमा अधिकतम् तापक्रम ३८.६ डिग्री सेल्सियस र न्यूनतम् तापक्रम २६ डिग्री सेल्सियस मापन गरिएको छ । नेपालगन्जमा यो वर्ष ४२ डिग्री सेल्सियससम्म तापक्रम मापन भइसकेको छ ।
