त्रिभुवन मावि भुरिगाउँका विद्यार्थीले बनाए ठाकुरबाबा प्रज्ञा प्रतिष्ठानको लोगो
भुरिगाउँ (बर्दिया) : बर्दियाको ठाकुरबाबामा रहेको त्रिभुवन नमूना माध्यमिक विद्यालयको कक्षा १० का विद्यार्थी मीनराज देवकोटाले ठाकुरबाबा प्रज्ञा प्रतिष्ठानको लोगो बनाएका छन् ।
प्रतिष्ठानका उपाध्यक्ष खगेन्द्र नेपालका अनुसार ठाकुरद्वारा मन्दिरको गजुर, एकजोडी क्रस नरसिङ्घा, थारु समुदायको डफ बाजा अनि अष्टिम्कि चित्र र पुस्तक, मादल र मुरली लोगो समेटिएको छ । प्रतिष्ठानको सोमबार बसेको बैठकले लोगो तथा छाप अनुमोदन गरेको नेपालले बताए ।
प्रतिष्ठान बैठकले विद्यार्थी देवकोटालाई लोगो बनाए बापत पाँच हजार रुपैयाँ प्रोत्साहन पुरस्कार दिने पनि निर्णय गरेको छ । यस अघि राजा वीरेन्द्र, ठाकुरबाबा नगरपालिका नगर प्रमुख तिलकराम लम्साल, कलाकार खगेन्द्र नेपालको चित्र बनाएर देवकोटा चर्चामा आएका थिए ।
