आइतवार, मंसिर १४, २०७७ / Sunday 29th November 2020

जन्मदिनको अवसरमा नेता रेग्मीले गरे विपन्नलाई २० हजार सहयोग

राजापुर, बर्दिया

नेपाली कांग्रेस बर्दियाका जिल्ला सदस्य कमलप्रसाद रेग्मीले आफ्नो जन्मदिनको अवसरमा विपन्न नागरिकका परिवारलाई आर्थिक सहयोग गरेका छन । बर्दियाको गेरूवा गाउँपालिका ४ निवासी रेग्मीले कर्णाली नदीमा बगेर निधन भएका जोधीपुरका ४४ बर्षिय बलबहादुर रोकायाका बालबच्चाको शिक्षाका लागि २० हजार सहयोग गरेका हुन् । रोकायको मृत्यु भएपछि परिवारको जीविकोपार्जन लगायत उनका चार छोरीहरुको शिक्षामा समस्या भएको थियो । उनले स्वर्गीय रोकायाको घर जोधिपुर पुगी धर्मपत्नी रेवान्ता रोकायलाई सो सहयोग हस्तान्तरण गरेका हुन् । सहयोग रकम हस्तान्त्रण गर्दै उनले रोकायकी ६ वर्षीय छोरी लक्ष्मीलाई १२ कक्षा पढाउने जिम्मा लिँदै प्रत्यक बर्ष जन्मदिनको अवसर पारेर २० हजार नगद सहयोग गर्ने प्रतिवद्धता जनाए ।


सहयोग हस्तान्त्रण कार्यक्रममा नेपाली कांग्रेसका महासमिति सदस्य तेजराज भाटले रेग्मीले गरेको सामाजिक कार्यको प्रसंसा गर्दै फजुल खर्चलाई कटौती गरी सामाजिक काममा लगाउनु उदाहरणीय कार्य भएको बताए । कार्यक्रममा शिक्षक नारायण पौडेल, चेतनाथ पौडेल, हिमाल खनाल, मनोज ढुंगाना, विद्यार्थी नेता अमृत ढकाल, नेपाली कांग्रेस गेरूवा ४ का सभापति उमाकान्त धिताललगायतको सहभागिता रहेको थियो ।

Leave a Reply

Your email address will not be published. Required fields are marked *