नेपालगन्ज साइक्लिङ्ग क्लब बाँकेको अध्यक्षमा सतिश निरौला
खजुरा (बाँके) : नेपालगन्ज साइक्लिङ्ग क्लब बाँकेले सतिश निरौलाको नेतृत्वमा १५ सदस्यीय कार्यसमिति चयन गरेको छ ।
क्लबको बरिष्ठ उपाध्यक्ष सुरेन्द्र कार्की, उपाध्यक्ष चन्द्र श्रेष्ठ, सचिव प्रदीप सापकोटा, सहसचिव कविराम बुढाथोकी र कोषाध्यक्ष राजेश गुप्तालाई सर्वसम्मत रूपमा चयन गरेको निर्वाचन अधिकृत पूर्णप्रसाद ढकालले जानकारी दिए ।
समितिको सदस्यमा प्रेम केसी, कृष्ण खनाल, बाबुराम बिश्वकर्मा, निरज कार्की (अल्भिन), रमेशराज रेग्मी, बिजयन्द्र जिसि, पंकजमान श्रेष्ठ, शुभकर मल्ल र दिपक मल्ल चयन भएका छन् ।
खजुरा गाउँपालिकाका अध्यक्ष किस्मत कुमार कक्षपतिले बुधबार उदघाटन गरेको क्लबको तेस्रो अधिवेशन तथा ५ औं साधारणसभामा कोषाध्यक्ष शालिक सुवेदीले प्रस्तुत गरेको आर्थिक प्रतिवेदन र सचिव सुरेन्द्र कार्कीले प्रस्तुत गरेको सांगठनिक प्रतिवेदन सुझावसहित साधारणसभाले पास गरेको थियो
