कैलालीमा महिलाको मृत्यु भएपछि ट्रकमा आगजनी
मानबहादुर ठकुल्ला । टीकापुर
कैलालीको लम्कीमा ट्रकको ठक्करबाट एक महिलाको मृत्यु भएपछि तनाव सृजना भएको छ । पूर्वपश्चिम राजमार्ग अन्तर्गत लम्कीचुहा नगरपालिका–१, लम्की चौराहमा ना २ ख ९३७० नम्बरको ट्रकले ठक्कर दिँदा घटनास्थलमै महिलाको मृत्यु भएपछि स्थानीयले राजमार्गमा प्रदर्शन गरेका थिए । भीँड नियन्त्रण गर्न प्रहरीले केही थान अँश्रुग्यास प्रहार गरेको थियो । तर, प्रदर्शनकारीले भने ट्रकमा आगो लगाइदिएका छन् । अहिले राजमार्ग र लम्की बजार बन्द गरिएको छ । मृतकको सनाखत नभएको प्रहरीले जनाएको छ ।
