बागेश्वरीमा अपार सफलतापछि ठाकुरद्वारामा भव्य महाआरती
ठाकुरद्वारा (बर्दिया) : बागेश्वरी मन्दिर नेपालगन्जमा अपार सफलतापछि नाट्टा बाँके च्याप्टरले शुक्रबारदेखि बर्दियाको ठाकुरद्वारा मन्दिरमा शुक्रबारदेखि महाआरती सुरु गरेको छ ।
पर्यटन प्रर्वद्धन विकास टेवा दिने उद्देश्यले नाट्टाले ठाकुरबाबा मन्दिर व्यवस्थापन तथा विकास समितिको सहकार्य र ठाकुरबाबा नगरपालिका प्रर्वद्धक रहने गरी महाआरती सुरु गरेको हो । नेपाली कांग्रेसका सहमहामन्त्री तथा बाँके क्षेत्र नं. ३ का प्रतिनिधिसभा सदस्य किशोरसिंह राठौर, ठाकुरबाबा नगरपालिका नगर प्रमुख तिलकराम लम्साल, उपप्रमुख विना भट्टराईलगायतको उपस्थितिमा बागेश्वरी मन्दिरका मूल महन्त चन्दनाथ योगीसहितको टोलीले झन्डै एक घण्टा आरती गराएको हो । महाआरतीमा बर्दियाका विभिन्न स्थान र नेपालगन्जबाट भक्तजनहरु सहभागी भएका थिए ।
