बर्दियाका एक बरिष्ठ पत्रकारलाई कोरोना संक्रमण

गुलरिया : बर्दिया जिल्लामा एक जना बरिष्ठ पत्रकारलाई कोरोना संक्रमण भएको छ ।
जिल्ला स्वास्थ्य कार्यालय बर्दियाका कोरोना फोकल पर्सन कृष्णगोपाल चौधरीका अनुसार शुक्रबार गुलरिया नगरपालिकाका दुई जनामा कोरोना पुष्टि भएको थियो । तीमध्ये गुलरिया ५ का ५५ वर्षका पुरुष क्रियाशील पत्रकार हुन् । गुलरिया २ का १९ वर्षका अर्का पुरुषमा पनि कोरोना भएको छ । बर्दिया जिल्लामा एक सय ९२ पुरुष र ३४ महिला गरी दुई सय २६ जना कोरोना संक्रमित छन् । तीमध्ये एक सय ९६ जना संक्रमित निको भएर घर फर्किसकेका भने ३२ जना मात्र हाल उपचारमा छन् ।