सत्तीघाटको कर्णाली पुल मर्मत गर्न १५ दिन आवागमन बन्द

मानबहादुर ठकुल्ला । टीकापुर
कैलाली र बर्दिया जिल्ला जोड्ने सत्तीघाटको कर्णाली पुल मर्मत गर्न १५ दिनका लागि आवागमन बन्द गरिएको छ ।
जिल्ला प्रशासन कार्यालय बर्दियाका प्रशासकीय अधिकृत ओमप्रकाश देवकोटाले जिल्ला प्रहरी कार्यालय बर्दिया र सशस्त्र प्रहरी बल नेपाल ३१ गण हेडक्वाटर बर्दियालाई मंगलबार पत्र लेखेर कर्णाली नदीमा रहेको सत्ती घाटपुलको पूर्वतर्फको स्पान मर्मत गर्नुपर्ने भएकाले आवागमन बन्द गरिदिनुहुन अनुरोध गरेका छन् । असोज ५ गते मंगलबारबाट मर्मत कार्य सुरु गरि असोज २० गतेसम्म सम्पन्न गर्ने लक्ष्य रहेको पत्रमा उल्लेख गरिएको छ ।
यस वर्ष पानीको बहाव धेरै हुँदा पूर्वतर्फको दुई वटा स्पान जोड्ने भाग करिब ६ इन्च जति छुट्टिएको थियो । पुलको स्पान फाटेको हुँदा यस वर्ष दुई पटक सर्वसाधारण तथा गाडीहरु आवागमनमा बन्द गरिएको थियो । कर्णाली नदीमा पुल निर्माण भएदेखि नै पुलको पूर्वतर्फको क्षेत्रमा पानीको बहाव बढी हुने भएकोले पुलको पूर्व तर्फको तटबन्ध वर्षेनी भत्कने गरेको थियो । पुलको तटबन्ध बगाउन सक्ने भन्दै विगतका वर्षदेखि नै पुलको पूर्वतर्फ २ वटा पिलर थप्नका लागि पहल गर्दा पनि सुनुवाई नभएको स्थानीय सर्पराज साउँदले बताए । यस वर्ष पारी पट्टीको भागमा ठूलो ढुंगा हाल्ने काम भएकोले पुलको संरक्षण भएको थियो । हुलाकी मार्गमा बनेको सो पुल मर्मत हुँदै गर्दा भने केहि दिन आवागमन बन्द भएपछि कैलाली र बर्दिया जिल्लाका बासिन्दालाई हिंडडुलमा असहज हुनेछ । २०७१ सालमा निर्माण भएको १३ वटा स्पान रहेको उक्त पुलको लम्बाई ५ सय ३१ मिटर रहेको छ ।

2 thoughts on “सत्तीघाटको कर्णाली पुल मर्मत गर्न १५ दिन आवागमन बन्द

  1. स्पान बढाउदा कैलालीकाे श्रीलंका रबर्दियाकाे राजापुर,भिमापुर एरिया कटान तथा डुबान हुने संभावनालाई हृदयङ्गम गरि संभब भए स्पान थप र गेबियनजाली भन्दा पनि आर सि सि वालकाे बयबस्था गर्ने र नदिकाे बिचकाे डाँडा भएकाे भागलाई सफा गरि करिब १०० मी Up strem मा Cutoff wall काे बयबस्था गर्न सके पानीकाे बहाव बबराबर हुन गै क्षति कम हुन सक्ने ब्यहाेरा अनुराेध ।याे मेराे सुझाव तथा अनुराेध मात्र भएकाले अन्यथा नलिनहुन ।

Leave a Reply

Your email address will not be published. Required fields are marked *