बागेश्वरी मन्दिरका मूल महन्तसहित सबैको रिपोर्ट नेगेटिभ
नेपालगन्ज : बागेश्वरी मन्दिरका मूल महन्त चन्दनाथ योगीसहित मन्दिरका पूजारी र कर्मचारी गरी सातै जनाको रिपोर्ट नेगेटिभ आएको छ ।
बिहीबार मन्दिर परिसरमा हिन्दुु धर्म गुरुसहित बैजनाथ, डुडुवा र जानकी गाउँपालिकाको क्वारेन्टाइनमा रहेका अन्य ३३ को पीसीआर प्रविधिबाट जाँच गर्नका लागि स्वाब संकलन गरिएको थियो । भेरी अस्पताल नेपालगन्जको कोरोेना प्रयोगशालामा जाँच गरिएका सबै नमूनाको रिपोर्ट नेगेटिभ आएको अस्पतालका मेडिकल सुपरिटेन्डेन्ट डा. प्रकाशबहादुर थापाले बताए ।
