मङ्लबार, बैशाख २८, २०७८ / Tuesday 11th May 2021

सुरक्षा निकायसँगको छलफलपछि बुधबार लकडाउनबारे निर्णय हुन्छ : प्रजिअ गेलाल

लकडाउन सम्बन्धी जिल्ला कोभिड १९ संकट व्यवस्थापन केन्द्र बाँकेको सूचना

नेपालगन्ज : दिनप्रतिदिन कोरोना संक्रमण दर वृद्धि भएपछि बाँकेमा ७ दिन लकडाउन गर्न सिफारिस गरिएको छ ।
प्रमुख जिल्ला अधिकारी शिवराम गेलाल संयोजक रहेको जिल्ला कोभिड १९ संकट व्यवस्थापन केन्द्र बाँकेको मंगलबारको बैठकले ९ वैैशाखदेखि कम्तीमा पनि ७ दिन लकडाउन गर्न सिफारिस गरेको हो । प्रजिअ गेलालले लकडाउनको मोडालिटीबारे बुधबार सुरक्षा सम्बद्ध निकायसँग छलफल गरेर मात्र जिल्ला प्रशासन कार्यालय बाँकेले निर्णय गर्ने बताए । प्रजिअ गेलालले बुधबार सुरक्षा निकाय लगायतका सरोकारवालाहरुसँग संयुक्त बैठक डाकेर लकडाउनको मोडलबारे छलफल गरिने बताए । उनले भने, ‘लकडाउन त हुन्छ । विमानस्थल, लामो दुरीको यातायात, नाकाको व्यवस्थापन कसरी गर्ने भन्नेबारे हामी थप छलफल गर्नेछौं । त्यसपछि मात्र बुधबार जिल्ला प्रशासन कार्यालयले लकडाउन वा निषेधाज्ञा सम्बन्धी सूचना प्रकाशित गर्नेछ ।’
केन्द्रको बैठकले नेपालगन्ज लगायतका उच्च जोखिम रहेका क्षेत्रमा तीब्र रुपमा बढिरहेको कोभिड १९ को संक्रमणको सांग्लो तोड्न, सर्वसाधारणका आवत जावत रोक्न अत्यावश्यक भएकाले अत्यावश्यक सेवा र निर्माण कार्य बाहेक अरु सम्पूर्ण सेवा र कार्यमा प्रतिबन्ध लगाउने गरी तत्कालका लागि कम्तीमा ७ दिन निधेषाज्ञा वा लकडाउनको आदेश जारी गर्न प्रमुख जिल्ला अधिकारीलाई अनुरोध गर्ने निर्णय गरेको थियो ।
केन्द्रको बैठकले भारतमा कोरोनाको संक्रमण दर उच्च रहेकाले स्वास्थ्योपचार लगायतका अत्यावश्यक काम बाहेक सामान्य काम एवं किनमेलका लागि सीमावर्ती जिल्ला र बजारमा जाने आउने कार्यमा अर्को सूचना नभएसम्म पूर्ण रुपमा रोक लगाउने निर्णय पनि गरेको छ । जिल्लामा रहेका आइसोलेसनहरु भरिएकाले विगतमा जस्तै आफै पैंसा तिर्न सक्ने संक्रमितका लागि होटलमा आइसोलेसनको व्यवस्था गर्ने केन्द्रले जनाएको छ ।

Leave a Reply

Your email address will not be published. Required fields are marked *