बाँकेमा ट्रकले मोटरसाइकललाई ठक्कर दिँदा २ जनाको मृत्यु
नेपालगन्ज : बाँकेको राप्तीसोनारीमा सडक दुर्घटना हुँदा २ जनाको मृत्यु गएको छ ।
जिल्ला ट्राफिक प्रहरी कार्यालय बाँकेका प्रमुख राजु भण्डारीका अनुसार सोमबार बिहान ६ बजे राप्तीसोनारी गाँउपालिका १ गाभरमा मालबाहक ट्रकले मोटरसाइकललाई ठक्कर दिँदा बर्दियाको बाँसगढी नगरपालिका ८ का २२ वर्षका चेतन बोहोरा र २४ वर्षका प्रदीप चौधरीको मृत्यु भएको हो । उनीहरुको उपचारका क्रममा नेपालगन्ज मेडिकल कलेज शिक्षण अस्पताल कोहलपुरमा मृत्यु भएको जिल्ला ट्राफिक प्रहरी कार्यालयले जनाएको छ । पश्चिमदेखी पूर्वतर्फ जाँदै गरेको बा ६ ख ६७९९ नम्बरको ट्रकले लु ६८ प १८२२ नम्बरको मोटरसाइकललाई ठक्कर दिएको थियो । ठक्कर दिने ट्रकका चाकललाई नियन्त्रणमा लिएर अनुसन्धान प्रक्रिया अगाडि बढाएको प्रहरीले जनाएको छ ।
